الجمعة، 12 يونيو 2009

الشعب المصري يستاهل كل اللي يجراله!

الشعب المصري يستأهل كل اللي يجراله!

كم واحد عنده بطاقة أنتخابية؟؟

الأنتخابات الأيرانية في طريقها لتسجيل 70% نسبة مشاركة!

الأنتخابات اللبنانية أكثر من 50% نسبة مشاركة وحملات شارك فيها معظم افراد الشعب اللبناني اللي عدده اقل من 1/16 من الشعب المصري!!

شعار التيار الوطني الحر في الأنتخابات اللبنانية "خليكي حلوة وصوتي!"



صحيح احنا معندناش موزز حلوة زي اللي في الأعلان في لبنان بس مش هوا ده سبب عدم المشاركة في مصر وتقريباً انعدام نسبة المشاركة النسائية الأمر اللي أستوجب قانون وكوتا للنساء في مجلس الشعب المصري!


الكويت تعدت نسبة المشاركة فيها 40% وشاركت المرأة بفعالية تثبت ان مصر قدامها 10 سنين على الأقل علشان تلحق اي بلد من دول الكويت - لبنان - أيران (راقبوا الأنتخابات البلدية في المغرب انهاردة وشوفوا نسبة المشاركة علشان تعرفوا خيبة المصريين) ...

عارفين نسبة المسجلين في قوائم الأنتخابات في مصر كام؟ لا تتعدى 20% من الناخبين المصريين! عارفين نسبة المشاركة من ضمن المسجلين كانت كام؟ لا تتعدى ربع المسجلين يعني نسبة المشاركة في الأنتخابات في مصر لم تتعدى 5% ممن لهم الحق في المشاركة في الأنتخابات!!!!!



نستاهل كل اللي يجرالنا طالما أعطينا شيك على بياض للحزب الوطني والأخوان انهم يقرروا بالنيابة عننا وملناش حق اننا نعترض!

هناك 4 تعليقات:

العجوز والبحر يقول...

تحدث بن خلدون فى مقدمته ان الانخراط فى خدمة الحكام وشئون البلاد ترف لايستطيعه جاهل او جائع.فأولا امحى امية الشعب واطعمهم ثم حدثنى عن صندوق الانتخابات اما التعلبم الحالى الذى يخرج
ببغاوات تردد وتصفق فى سبيل مصالحها الضيقه لن تصنع ديمقراطيه ..

Nah·det Masr يقول...

عزيزي: التعليم في ايران اقل مستوى من التعليم في مصر! انا أعلم ذلك لأني أشرفت على طلبة دراسات عليا من أيران!! ومع ذلك بلغت المشاركة هناك 70% أو أكثر!!!

أتفق معك ان التعليم اساس كل شيء ولكن عدم أيجابية الشعب المصري في الحضور الي صناديق الأقتراع لا يوجد لها مثيل في العالم!

Mustafa يقول...

الحشود تتحرك بسهولة اذا دُعيت من قبل المرجعيات السياسية / الدينية الاجتماعية / التعليمية الخ . نسب المشاركة ستترفع في مصر لو دعا رجال الدين للمشاركة او السياسيين او الحاكم الاعظم ايا يكن (بيأثر في دماغ البشر ٬ ان شالله يكون مسرحية هزلية). الموضوع مش مرتبط بالضرورة بالتعليم ٬ الهند بها نسب امية عالية (حسب علمي) و مع ذلك مشاركة ممتازة . و برده معاك حق ان الناس سلبيين تماما . انا فاكر اني كنت شبه اضحوكة علشان دعيت اصدقائي لانهم يطلعوا بطاقة انتخابية

لكن ايه حكاية ايران دي؟ التعليم في ايران افضل بمراحل من مصر! جامعات شريف و امير كبير و طهران ٬ احسن من جامعات مصر بمرتين او تلاتة . على الاقل في علوم الحاسب و الرياضيات . جامعة شريف تحديدا في تصنيفات اعلى من جامعة القاهرة . و انها لاحظت انها معروفة عند دكاترة كتير هنا

Nah·det Masr يقول...

عزيزي مصطفى، احنا متفقين فيما عدا المستوى العلمي للجامعات في ايران! انا بأحكم على المستوى العلمي من خلال طلبة جامعة طهران انا اشرفت عليهم وكان مستواهم وطريقة تعامل هيئة التدريس هناك معاهم تدل على ان التعليم عندنا (على الأقل مكان ما انا بأدرس) احسن من عندهم.