السبت، 30 مايو، 2009

دولة مصرستان الإظلامية تقترب أكثر...المحامين يختارون مرشح الأخوان!

حسب العاشرة مساءاً، يبدوا ان المحامين اختاروا مرشح الأخوان المظلمين!

الغريب ان حمدي خليفة مكانش مرشح الأخوان من الأصل، ولكن الأخوان اختاروا ان يرموا بثقلهم خلفه بعد ان ظهر انه حصل على اعلى الأصوات في الجولة السابقة !

مش بس إظلاميين، ولكن كما مصلحانجية!!

يا ترى هيمنعوا الستات يشتغلوا بالمحاماة؟ هل هيمنعوا الستات تدخل نادي المحامين من غير محرم؟

يالله هي جت على المحاميين!

هناك 3 تعليقات:

Mustafa يقول...

انا موافق معاك الى حد ما على رأيك في البوست السابق عن الديموقراطية الان = انتخاب الاسلاميين ٬ و اختيار المحامين ده ربما احد دلالاته . بس في النهاية هي دي الديموقراطية (ديموقراطية فقط من غير لبرالية) . مش مهم ٬ المهم ان فعلا معاك حق في غباء و تفاهة الاسلاميين و اهتماماتهم الشكلية و الهبلة زي حكاية نادي المهندسين في اسكندرية -اللي انت ذكرتها- انا فاكر منع الشورت و الحجاب . بس برده لازم الواحد يتفهم يأس الناس من المرشحين الاخرين من ناحية و تدين الناس "السطحي" من ناحية تانية .

عموما هي حاجة تقرف . غباء الناس و و عذرهم جهلهم و حقارة الحكومة من ناحية و المتاجرة بالدين من ناحية تالتة . كل النواحي تقرف

--معذرة عن كمية القرف دي كلها!

Nah·det Masr يقول...

شكراً يا مصطفى على التعليق؛ ارجوك استغل وجودك في كندا وحاول تبني لنفسك مستقبل وحياة كاملة هناك ومتفكرش ترجع مصر الا بعد ما تكون بنيت لنفسك حياة في كندا وتكون راجع مصر زيارة فقط! ما تغلطش الغلطة اللي انا غلطتها! المستقبل لمصر مظلم بسبب تناقص الموارد خاصة المياه بالنسبة لتعداد السكان في مصر (نصيب الفرد في كندا من المياه العذبة 91,000 م3/سنة في مقابل 750 م3/سنة في مصر).

سالى فوزى يقول...

الموضوع اصلا هو صراع واستعراض قوة بين
الوطنى والاخوان ..وباقى المحامين سلبيين
ولو اتحدت كلماتهم لاختاروا اللى عايزيينه واكيد ده لن يكون وطنى او اخوان..
تحياتى!!