الخميس، 28 مايو، 2009

الغالبية العظمى من علماء اميريكا ملحدين او أغنوسطيين (لا دينيين)!

أحنا أتربينا على ان دايماً العلماء هما المتدينيين!

لما رحت اوروبا واميريكا، لقيت ان كل أساتذتي خاصة المتميزين منهم اما ملحدين او أغنوسطيين (كان في الجامعة بتاعتي اكتر من فائز بجائزة نوبل وكلهم ملحدين).

على فكرة الأغنوسطيين هما اللي بيقولوا انهم بيعتقدوا ان فيه خالق ولاكن لا يصدقوا بالأديان الحالية. أشهر واحد فيهم هو ألبرت أينشتاين!

المهم، امبارح لقيت في الموقع ده، ان 85% من علماء الأكاديمية الأميريكية للعلوم وهي ارقى تجمع للعلماء في العالم لايصدقوا بوجود الله! وكان بيل ماهر المقدم التلفزيوني الشهير قال ان 93% من العلماء في أميريكا اما ملحدين او أغنوسطيين!

وأبرز علماء مصر في الخارج لا يشذون عن القاعدة! كل الأساتذة المصريين اللي شفتهم في أوروبا وأميريكا لا يمارسون الشعائر الدينية او على الأقل يشربون الخمر علانية في حفلات الأستقبال التي حضرتها ومنهم علماء مصريون يعرفهم كل مصري!

هذا مع العلم ان المجتمع الأميريكي محافظ جداً بالمقارنة بالمجتمع الأوروبي اللي غالبيته ملحد.

هذه ليست دعوة للألحاد، ولكنها رد على كل من يقول ان سبب تخلف مصر او توحش الجرائم فيها هو البعد عن الدين !!!!

أرقى دول العالم واكثرها تحضراً ورقياً في العلم والمعاملات هي الدول الأسكندنافية وهي دول الغالبية العظمى من سكانها ملحدين!!!

انا قصدي العلماء الحقيقيين من العلماء اللي كده وكده زي زغلول النجار واشكاله اللي لم يقدموا اي علم نافع للناس!

ليست هناك تعليقات: