الجمعة، 10 أكتوبر، 2008

مصر .. دخول الجامعة ايامنا

المكان: باركينج كلية الهندسة
الزمان: اكتوبر 1982دفعة 1987 جاية من ثانوية عامة وداخلة الكلية لأول مرة!
الملامح المميزة: الموضة ايامها كانت التي شيرت "لاكوست"و النظارات الشمسية "راي بان" ذات العدسات الخضراء، وبنطلونات جينز "ليفايز" وأحزية "كلاركس" اما السيارة التحفة ايامها فكانت "فيات ريتمو" و "نصر 131" و "نصر 128 المعدلة" وكانت السيارة الشعبية "سيات 133". طبعاً ده بالنسبة للطلبة المقتدرين...
الأحاسيس: الفرحة الغامرة والإحساس بأننا "هانجيب الديب من ديله" وكل واحد بينادي التاني يا باشمهندس وأحنا لسة مبنفهمش حاجة
أعقد المواد: أ.د. الرقباوي - مادة الهندسة الوصفية

مواقف مثيرة: الخناقة بين الطلبة الأسلاميين مع الطلبة الناصريين في الحرم وأتهام المجموعة الأولى للمجموعة التانية بأنهم "كفار"..


الأفكار دي مرت في خيالي وانا فايت جنب مدخل كلية الهندسة الأسبوع اللي فات وشفت الطلبة واقفين في مجموعات بطريقة فكرتني بزمان...
الفرق ان ايامنا مكانش فيه الا عدد نادر من البنات محجبات، انهاردة الآية اتعكست واصبح المحجبات والمنقبات هما الأغلبية (المنقبات لسة نسبة محدودة ولكن آخذة في الزيادة..)..