الخميس، 17 أبريل، 2008

ممكن نفطر رز؟

وزارة الزراعة الأمريكية بتقول ان مصر حققت محصول قياسي من الرز السنة اللي فاتت خلاها واحدة من اهم مصدري الأرز في العالم (700 الف طن) والمصدر الأول للمحصول في أفريقيا!

يا ترى هل ممكن نفطر رز؟

طبعاً معظمنا عارف ان تصدير الرز هو في الحقيقة تصدير للمياه لأن الرز من اكثر المحاصيل استهلاكاً للمياه

أنتاج مصر من الرز 4.6 مليون طن، وأستهلاكها 3.2 مليون طن

أمين أباظة قال ان مصر هتحد من المساحات المزروعة بالأرز لصالح الذرة لأن حالياً المساحة المزروعة بالأرز تقترب من 2 مليون فدان وده مش كويس لأننا معندناش ميه كفاية علشان نتوسع في النوع ده من الزراعات.

هناك تعليقان (2):

bluestone يقول...

فيه طلبات كتير مقدمة لوزير الزراعة ولمجلس الشعب بالتوقف عن تصدير الارز لمدة ستة شهور كل سنة
وكانت مصر اخدت قرار بوقف تصدير الارز 3 شهور السنة دي .. ومش هي لوحدها اللي اخدت القرار ده على فكرة عشان محدش يقول انه بسبب ازمة العيش وانه قرار سريع من الحكومة لراحة الشعب
مصر والهند وفيتنام وكمبوديا وهم من اكبر الدول المصدرة للرز منعت تصدير الارز غير البسمتي .. مما تسبب في فوضى في سوق الارز العالمي وارتفاع اسعاره لاكثر من 50% في بعض دول الخليج

وعلى فكرة ممكن ادخال الارز في صناعة نوع من المخبوزات زي اليابانيين كده عندهم رقائق أرز .. بس المشكلة زي ما انت قلت ان الارز بيحتاج مية كتير جدا في زراعته وممكن فعلا الذرة يكون حل خصوصا في حالة إضافته للرغيف
وكمان استخدامه كمكمل للدقيق او ما يعرف بدقيق الذرة او (السميد)
وعلى فكرة مش سيء إطلاقا في عمل الحلويات وما شابه بس طعمه وقوامه مختلفين شوية

Nah·det Masr يقول...

اهلاً بلو ستون، على الأقل طلعنا كويسين في حاجة رغم ان احنا لازم نوقفها! فدان الرز = 7000 م3 ميه فدان الذرة = 2000 م3 يعني فدانين ونصف ذرة بأحتياجات فدان رز. القرار واضح