الاثنين، 7 أبريل 2008

الأضراب والخراب

مجموعة من الناس اللي معندهاش شغل! او معندهاش حاجة تخسرها!
ميهمهمش البلد تولع، تخرب، تتعطل
يا أجهل خلق الله، يا من أيدتم الإضراب، هل حرق المدارس ونهب الممتلكات الخاصة والعامة سيصلح الحال؟
نحن شعب معظمه متخلف لايعرف كيف يحتج! لماذا لم يعتصموا في المصنع اويبقوا في بيوتهم؟ هل حرق شريط السكك الحديدية وتعطيل حركة القطارات سيؤذي النظام؟
اكيد عقولكم فيها تبن مش مخ!!
الي الوراء يا مصر فشعبك نصفه امي، والنصف الأخر معظمه جاهل.

هناك 10 تعليقات:

إسلام ناجح يقول...

مش عارف هبقى الأهبل الوحيد اللي هيعبرك؟؟
المهم
انت أهبل ومش بتفهم وحمار
وعقلك فيه علف دواجن وتبن وكله
تصبح على خير!!

إسلام ناجح يقول...

أظن إنك عارف إن الأمن اللي عمل كده
بس بستهبل
أو بتستعبط
أو بتسوق الهبل على العبط
سلاموز يا صاحبي

Nah·det Masr يقول...

يعني انا مبهمش بس انتو اللي بتفهموا!
العاشرة مساءاً برضه مع الحكومة؟
الحكومة بعتت بلطجية يحرقوا المدارس والمحلات ويسرقوا اجهزة الكمبيوتر والأثاث المكتبي!

يا حبيبي انتا وهو انا شفت احداث 18 و 19 يناير 1977 وكانت بالظبط زي اللي حصل في المحلة، شفت الناس اللي ساكنين في نفس الشارع بتاعي وهما بيسرقوا الكراسي والأثاث من المحلات المحروقة؛ لا كانوا بلطجية مندسين، ولا كانوا من الحكومة! انتو بس مش عايزين تصدقوا، والدليل على كده انكو جايين تشتموا مش تتناقشوا

Nah·det Masr يقول...

عشرات الأصابات في الشرطة منها 8 ضباط اتنقلوا للمستشفى برضوا من فعل المندسين وعملاء الحكومة مش كده؟

عبدالله النديم يقول...

بعيدا عن الشتايم انا هسالك عن الناس اللى ما بتعرفش تحتج دى من اول سنة 2000 فى مظاهرات التضامن مع الانتفاضة الى الآن لم يحدث تخريب سوى ما ادعت اجهزة الامن انه حدث بالامس
ولعلمك ان عمال المحلة اضربوا مرتين قبل كدة فى خلال السنتين اللى فاتوا مرة منهم فى اواخر 2006 الاضراب قعد أكتر من 7 ايام وكان حجم المشاركة أكبر من امبارح ليه ساعتها ما كسروش وحرقوا ؟؟؟

A.SAMIR يقول...

ولماذا لا تقول ان التعامل الامني الفج العنيف بلا ادنى مبرر كان السبب الرئيسي لاندلاع الاحداث؟

Nah·det Masr يقول...

عزيزي احمد، الأمن كما شاهدناه في العاشرة مساءاً تعامل بأقصى درجات ضبط النفس، كان هناك مشهد للغوغاء وهم يلقون الطوب وزجاجات المولوتوف على الأمن!!! وكان هؤلاء لايحركون ساكناً!!! ماذا تريد من الأمن ان يفعل؟ ان يترك الغوغاء يحرقون مصر؟ من سيدفع لأصحاب المطاعم التي حطمت؟ من سيدفع ثمن المصاغ التي سرقت؟ من سيصلح القطار المحروق؟ ينبغي ان يكون عندنا حد ادنى من المسؤلية ولا نساهم في حرق الوطن لاننا سنحترق معه!

إسلام ناجح يقول...

أولا ما اختلفناش إن فيه فئات اندست بين المتظاهرين والعمال
والحكومة نفسها في جرايدها قالت إنهم مش من العمال
ومش معنى إن حصلت أخطاء أنا أعتبرها من فئات مغرضة
إنك تقول إن اللي دعوا للإضراب واللي أيدوا دماغهم فيها "تبن" مش مخ!!!
لإن انت ما انتقدتش اللي حرق ونهب بس
انت شتمت اللي دعا للإضراب .. بأسلوب زعلني جدا...
فهو ده اللي استفزني وخلاني أغلط في حضرتك
وأنا فعلاً آسف جدااااااااااااااااا
إلى ابعد الحدود
لإن ده مش من أخلاقي ومااتعودتش على كده أبدا
لكن ساعتها ما ملكتش أعصابي
وأنا بسحب كل اللي قولته
فعلا فعلا أنا آسف
...
لكن أيضا نظرتي للأحداث مختلفة عن نظرتك في بعض الأمور
وأنا شوفت اللي بيقوله بلال
وفهمت منه إن الأمن استفز الناس
لما تستفز واحد مقهور مكبوت من سنييييين
ماتلمهوش بعد كده
وإن كان انضمللهم عناصر بتهيص في الهيصة
....
realy i'm sorry
pardon
آسف
:)
---
كتبتلك ده عندي
وجيت عشان أقولك تاني
أنا آسف

Nah·det Masr يقول...

شكراً يا عزيزي أسلام على اعتذارك وانا كمان بأعتذر اني نعت من أيدوا الأضراب بأن دماغهم فيها تبن، ولكن انا كمان مكنتش قادر أسيطر على مشاعري وانا شايف البلد بتتحرق، وكنت عارف ان ده هيحصل ونشرت افاداتي عن احداث 1977 علشان الناس تتعظ لان ايامها برضه قالوا انتفاضة شعبية علشان الأسعار وانا شفت بعيني الناس العاديين بينهبوا المحلات، في لحظات تحول الناس المحترمين الي حرامية!!

عموماً الأختلاف في الرأي لايفسد للود قضية!

إسلام ناجح يقول...

بجد فرحت إن حضرتك قبلت اعتذاري
...
وكون فئات اندست للمتظاهرين أو العمال
فدا مش معناه إن الكل سيء
اللي حصل كان فعلاً حاجة غامضة
ممكن علشان أو تجربة ينضم ليها الشعب ككل؟
ممكن لاعتقاد الناس إن أي حاجة عامة = حكومية (ملك لرجال الحكومة فقط)
وبالتالي خربها انتقامًا من الحكومة؟
ومش عارفين إن دا ملك عام ... يعني لعموم الشعب
والحكومة مجرد بتديره
ممكن تسيء الإدارة ... لكن يظل ملك عام
مش عارف
...
المهم إنه أكيد أستاذي... الاختلاف في الرأي لا يفسد للود أي قضية :)
وفعلاً ... أنا آسف