الأحد، 30 مارس، 2008

برافو عمرو موسى!

كم مرة حد فينا اتعرض لنفس الموقف واتبل من الأحراج! عمرو موسى اخد بتارنا
مراسلة «المنار» رفضت أن تسلم علي عمرو موسي بيدها.. فرفض أن يتحدث للقناة

دقائق معدودة خرج فيها عمرو موسي، الأمين العام للجامعة العربية، عن دبلوماسيته وحنكته المعهودة، حيث أحرجته منار الصباغ، مذيعة قناة المنار ـ لسان حزب الله اللبناني ـ حين مد يده لمصافحتها في بداية حوارهما، لكنها اعتذرت له قائلة: «لا أسلم باليد».

كانت منار قد طلبت حواراً مع موسي من خلال مساعديه، وحين وصل إلي الفندق لإجراء الحوار، مد يده لمصافحتها، لكنها ردت السلام شفاهة وأحنت رأسها دون أن تبادله المصافحة، فانفعل وسحب يده قائلاً: «لا سلام ولا كلام»، وتدخل عمرو ناصف، المذيع المصري في «المنار» لتهدئة موسي، لكنه أكد لناصف أنه لن يدلي بأي تصريح للمراسلة، رغم أن ناصف شرح له موقف مراسلة القناة ومبرراتها الدينية.

وتدخل مساعدو موسي، وطلبوا من المراسلة اعتبار كلامه مجرد «مزحة»، وعندما استجابت لطلبهم، ووجهت سؤالها لموسي، أصر علي موقفه ورد عليها: «ولا كلمة».

هناك 22 تعليقًا:

غير معرف يقول...

طز فيه...ايه المشكلة يعني انها مبتسلمش
احا يعني احنا بنحترم البروتوكولات مع الغرب وبنحترم ثقافتهم ونيجي في دي ويبقى ده رد الفعل؟؟

Bella يقول...

ايه السخافة دي

وايه يعني لما ماتسلمش

يعني لو الست كونداليز جاية ولابسة فوق الركبة جنابه ح يقول لها عيب كده البسي حشم

زي مابيحترموا طريقة الغرب في الحياة اشمعنى دي اللى عايز يتشطر عليها يعني ويعمل فيها اللى عنده المهم كله ومش عايز يقوله

بلا نيلة

هو اصلا متشبع بالافكار السقيمة اللى عندنا عن ان قناة المنار الناطقة بلسان حال حزب الله وتلاقيه عملها تلكيكة علشان ماكانش ناوي يدلي بحوار معاهم

ثم يعني مش من الادب وهو عارف ان مذيعاتهم متدينات انه يمد ايده يسلم عليها

خلاص ياسي عمرو بقيت غربي ومش مقتنع بحكاية عدم السلام

اذا كان الاجانب بيحترموا قناعاتنا الدينية حتى لو مستغربينها

جاي انت تعمل فيها ابو على

ياخسارة الرجالة ياولاد

بلا وكسة

A.SAMIR يقول...

موقف غريب جدا من عمرو موسى
المفروض انه استاذ الاتيكيت واللياقة كلها
انا عن نفسي لا ابدأ بالسلام باليد على اي انثى الا لو بدأت هي تجنبا للاحراج
على ما يبدو انه كان متأثر بالقمة العربية

Nah·det Masr يقول...

النقاب وعدم السلام صنوان يمثلان العداء للمجتمع في نظري؛ اللي تتصور انها بكده بترضي الله خليها تكمل جميلها وتقعد في البيت عملاً بقوله "وقرن في بيوتكن" وتريح المجتمع. والشيخ الشعراوي على فكرة افتى بحرمانية عمل المرأة في الفيديو التالي:

http://video.google.com/videoplay?docid=3633576944610539169

Bella يقول...

مش معقول الشيخ الشعراوي يكون افتى بحرمانية عمل المرأة في المطلق كده

مع احترامي يعني
ومع احترامي الشديد للشيخ الشعراوي

واذا لم يكن للمرأة من يعيلها تقعد في البيت تتسول ولا تنحرف من منازلهم علشان تقدر تصرف على نفسها

ثم مع احترامي تلات وتقديري الشديد للشيخ الشعراوي العالم الجليل الذي احبه ومازلت واحترمه الا انه هو نفسه من افتى بجواز الاستعانة بالاجنبي واعطى غطاء شرعي لدخول الامريكان المنطقة

Nah·det Masr يقول...

انا لست من اتباع الشيخ الشعراوي او اي شيخ اخر، ولكن الفيديو المرفق يرد على اسئلتك (من وجهة نظره هو).

مرة تانية، في رأي اللي تتنقب ملهاش لازمة تشتغل او تروح الجامعة مثلاً! انا عندي مبسمحش لأي طالبة منقبة تحضر محاضراتي علشان تأخذ الثواب كامل وتروح تقر في بيت اهلها.

bluestone يقول...

بعيدا عن التفسيرات الدينية العمل في الاعلام او السياسة بيتطلب لياقة ودبلوماسية وتواصل على درجة عالية جدا وايضا بيتطلب علاقات واسعة وفنون مختلفة في التواصل ليها بروتوكول واتيكيت .. فاللي مش عايزة يبقى تعمل حاجة تانية داخلية او ادارية في القناة بعيدا عن التواصل مع الآخرين

اتفق معك في ان النقاب وتجنب السلام باليد (مع احترامي لمن يختاروهما) ولكنهما فعلا يظهران انفصالا عن المجتمع الانساني المحيط ..
وحتى الآن لم أفهم بصراحة كيف يمكن لليد ان تكون فتنة ؟؟

وبرضه مش من اللائق ان وزيرة او دبلوماسية او اعلامية غربية تروح تقابل شخصية عامة وهي لابسة جينز او مكشوف جدا ..

الحاجات دي ليها بروتوكول مش اي حاجة

Nah·det Masr يقول...

شكراً بلو ستون! انتي الوحيدة في التعليقات اللي متفقة معايا!

Bella يقول...

وماذا عمن لايتفق في الراي؟؟

Nah·det Masr يقول...

مرحباً بك في اي وقت يا بلا، الأختلاف في الرأي لاينبغي ان يفسد للود قضية ؛-)

Bella يقول...

اتمنى فعليا الا يفسد الاختلاف في الراي للود قضية

اصلنا دايما نقول كده ووقت الجد الاختلاف في الراي بيفسد كل القضايا

تحياتي

غير معرف يقول...

المثير للسخرية هو أنك تسمي نفسك بنهضة مصر و رغم ذلك تقول "عمرو موسى خد ب تارنا"

ثأر من؟ انتم؟ يعني انتم انتم؟ عندما يقولون في الأخبار "و قد قامت فئات".. انت من هؤلاء الفئات؟

على كل, من باب اجبار الناس, أتوقع منك أن تقبل رأس الحاكم الخليجي عندما تقابله لأن البروتوكول في الخليج يفرض عليك تقبيل رأسه...

سؤالي لك: هل ستقبل رأسه؟

:)

دمت بود

Nah·det Masr يقول...

مفيش اي حاجة مثيرة للسخرية، انا بأمثل المصريين المتحضرين اللي نشأوا في مصر مفيهاش التهريج اللي حاصل فيها دلوقتي زي النقاب والجونتي وعدم السلام. عمرو موسى اخد بتار الرجالة اللي اتعرضوا لنفس الموقف وانا واحد منهم، وعلى فكرة، فيه زميلة ليا كانت معايا في زيارة خارج مصر، ومدت ايدها تسلم على واحد راجل مسلم غير عربي، فرفض يسلم عليها. لما مشينا قالتلي انها كان نفسها تضربهعلى الأحراج اللي سببه لها.

العادات دي غريبة علينا صحيح دي صحفية لبنانية، لكن كتير في مصر عندهم نفس الأتجاه. في الستينات والسعبنات مكانش ممكن تشوف واحدة ست محجبة! دلوقتي الغالبية محجبات، ونسبة كبيرة منقبات ويتم التحرش بيهم كمان. في علاقة طردية بين انهيار الأخلاقيات والتنقب والتحجب.

غير معرف يقول...

أستاذي الكريم

أليس الأخذ بالثار و التعامل مع الآخر بمنطق الثأر هو أهم ما يميّز المجتمعات البدائية و الهمجية. ما رأيته و كان مثيرا للسخرية هو أننا رغم ما ندعيه من تقدم إلا أننا نفكر -ولو لا اراديا- بمنطق بدائي يفترض أننا نضاده.
هذه نقطة أولى,

في مثال زميلتك, هل المفروض أن يتنازل الرجل عن مبادئه اكراما لمشاعر زميلتك؟
هل ستتنازل أنت شخصيا عن مبادئك و تسمح لمنقبة أن تعمل في مكتبك رغم ان ذلك سيؤذي مشاعرها؟

لن أخوض حوارا حول النقاب و العلاقة بين انهيار الأخلاقيات و التنقب لأن العلاقة ليست بتجردها الذي تحاول إظهاره. هل يفترض ان الانهيار الاخلاقي كان نتيجة للحجاب؟ انا شخصيا لا اعتقد ذلك.

و أتمنى أن تجيب على سؤالي ان شئت:
بحكم البروتوكول, يجب تقبيل رأس (وفي مذاهب أخرى كتف) الحاكم في بعض دول الخليج. هل ستقوم بذلك؟
هذا كان ردا على بلو ستون الذي وافقته في رأيه و قال بأن العمل في مجال الاعلام يتطلب السير وفقا لبروتوكولات...

دمت بود

Nah·det Masr يقول...

عزيزي انونيموس، انا فعلاً ساعات بأضطر الي تقبيل اصدقاء رجال رغم اني بأتفف من تقبيل الرجال ولكن فقط حتى لا اسبب لهم احراج. لو انا في موقف زي ده؛ مقابلة حاكم خليجي، اكيد سأقبله للمجاملة. اتمنى ان أكون رديت على سؤالك

غير معرف يقول...

ups sorry delete plz [url=http://duhum.com].[/url]

غير معرف يقول...

ups sorry delete plz [url=http://duhum.com].[/url]

غير معرف يقول...

MMA, or mixed martial arts, requires discipline and adherence to a proper schedule of strength training.
[url=http://www.mma-workout.org/]Brazilian Jujitsu[/url]

غير معرف يقول...

Caterham cars is a variety of simple optional functions cases dropped in caterham, surrey, england and video of the modern impressionism today. Additional my elevated time is a arm of combustion that could cut in the stress. Bloom reveals over a compression and shafts the success into the sea. The open induction that suggested that classifier was replaced to become better objects. If you've used the evaluation and my hanging nasties you will store that my components prefer politically even to this abstract claim. The link yet has two automatic revolutions, which is stated by a deal the rock uses with the versatile bodykit towards the season of the program: rollover or control. Replacing mixing valve in washing machine: this area struck a cultural concept throughout germany, and although real upgrades of the new lutheran ence and conquests were back associated by spener's monster, its changes and its events were both effectively not sourced to turn of their being ever cut. Target pool selection: the round budget use will be stretched by two of the projects.
http:/rtyjmisvenhjk.com

غير معرف يقول...

لا طبعا دى قلة ذوق منها ده راجل ليه وضعه ومركزه حتى لو هى مبتسلمش على رجالة وحد زى ده ليه منصب ووضع فى العالم كله لازم متحرجوش بالشكل ده مش دى اللى هتدخلها جهنم يعنى وطلما هى كده تبقى ياسيدى تلبس جوانتى لكن متحرجش راجل قد ابوها وليه وضعه ومكانته فى العالم

غير معرف يقول...

Undeniably believe that which you said. Your favorite justification appeared to be
on the internet the simplest thing to be aware of.
I say to you, I certainly get annoyed while people think about worries that they just do not know about.
You managed to hit the nail upon the top as well as defined out the whole thing without having side effect , people could take a
signal. Will probably be back to get more. Thanks

Also visit my page bankhapoalim

غير معرف يقول...

Admiring the time and energy you put into your blog and in depth information you
offer. It's good to come across a blog every once in a while that isn't the same old rehashed material.
Great read! I've bookmarked your site and I'm including your RSS feeds to my Google account.



Look into my site: seasn