الاثنين، 2 أبريل، 2007

البقال "السني"

طبعاً انا عارف للوهلة الأولى الناس هتفتكر ان البوست ده عن العراق بما انه فيه كلمة "سني"! ده مش صحيح، البوست ده عن موقف حصلي وانا صغير!

الموقف ده محفور في ذاكرتي وبالذات دلوقتي بأفتكره كل ما أشوف أخلاقيات الناس الي حواليا.

في سنة 1974 رحت مع والدي علشان نجيب التموين، ايامها، كان كل شيء يشترى ببطاقة التموين! مكانش ممكن تجيب سكر او زيت من غير بطاقة، ومكانش ممكن تشتري الحاجات دي من البقال الا تهريب وبأسعار مضاعفة. ده يبين قد ايه احنا اتقدمنا في الكام سنة اللي فاتوا. حتى الفراخ واللحمة كان الناس بتجيبهم من الجمعية ببطاقة التموين لأن أسعار السوق كانت مستحيلة على معظم الناس.

كان عندي 9 سنين ساعتها، رغم انه الموضوع دلوقتي بأحس كأن بقاله قرون طويلة لأن البلد أتغيرت بشكل جذري...

البقال اللي أحنا كنا متسجلين عنده هو بقالة الأخوان الثلاثة في أول منيل الروضة –منزل كوبري عباس لو انتا جاي من الجيزة ورايح صلاح سالم على ايدك اليمين. كان لازم كل بطاقة تموين تكون مسجلة عند بقال معين. المهم وصلنا عند البقال، والدي دفع وقاللي أروح أستلم التموين من عند "السني" طبعاً ساعتها معرفتش مين هو السني، بس لقيت الناس كلها بتنادي بالأسم ده لشخص في الأربعينات، أسمر البشرة، ممتلىء، مبتسم، ذو لحية مهذبة ووجه بشوش فوقفت في الطابور، ولما وصلت، كان بيهزر معايا وخلص المشتريات بتاعتي بسرعة. وقفت أنتظر والدي وأتابع الراجل وهو مبتسم وبشوش مع كل الناس برغم العدد الكبير اللي واقف في الطابور. سألت والدي هما ليه بينادولوا يا عم السني؟ قاللي علشان هو مربي دقنه! طبعاً ايامها مكانش حد بيربي دقنه الا نادراً. .

افتكرت الراجل ده لما كنت بأكتب كتابي، وكان الشيخ متولي الشعراوي حاضر، كان عكس الراجل السني، كان مكشر على طول، وشخط فيا جامد علشان كنت ماسك أيد عروستي!!!

الأيام دي البلد مليانا سنيين ولكن معظمهم فالصو، مكشرين، ومنفرين يكلموك عن الثعبان الأقرع والنار اللي هتتشوي فيها..

المصيبة انهم نسبة كبيرة...
أيام سودا...

هناك 5 تعليقات:

Egypeter يقول...

kola sana we inta tayib good professor! Wish you the very best :)

Nah·det Masr يقول...

Thanks my dear friend; I wish you and your family a happy Easter, and a great Sham-el-Nassim!

omas يقول...

after all it's not about how ppl look ,..it's about their beliefs & attitude...!!

regards

Nah·det Masr يقول...

Omas,

You are right, but what I wanted to convey here is that even the nature of religious people who were rare at that time was really in line with what religion is about, which is not situation today! Thanks for stopping by!

omas يقول...

yeah,..i guess i got ur point,..they may have been simple & religious by nature which was clear in their attitude the way they deal with ppl,.. & the ethics they had..., which we miss nowadays with some or MOST of the ppl who take the religious image ,..with some sophisticated speech as the core of everything...!!

regards